پریاگ راج: اتر پردیش کے پریاگ راج میں پیر کو الہ آباد یونیورسٹی کیمپس میں داخلے پر سیکورٹی اہلکاروں کے ساتھ جھگڑے کے بعد طلباء نے پرتشدد ہو کر دو بائک کو آگ لگا دی۔
پولیس کمشنر رامیت شرما نے کہا کہ مشتعل طلباء نے دو بائک کو آگ لگا دی تھی جس پر فائر بریگیڈ کے عملے نے قابو پالیا۔ صورتحال اب مکمل طور پر قابو میں ہے۔ فریقین سے بات چیت جاری ہے اور جلد ہی مسئلہ حل ہو جائے گا۔
ذرائع کا کہنا ہے کہ فیس میں اضافے کے حوالے سے طلبا کچھ عرصے سے سراپا احتجاج کررہے ہیں۔ اس دوران آج ایک طالب علم لیڈر کا گارڈ کے ساتھ داخلے پر جھگڑا ہوگیا۔
لڑائی کی اطلاع ملتے ہی طلبہ کی بڑی تعداد جمع ہوگئی اور وہاں کھڑی گاڑیوں میں توڑ پھوڑ شروع کردی۔ اس دوران کچھ طلباء نے دو موٹر سائیکلوں کو آگ لگا دی۔ طلباء نے وائس چانسلر کا گھیراؤ بھی کیا۔
