ممبئی: نیشنلسٹ کانگریس پارٹی کے رکن اسمبلی اور مہاراشٹر کے سابق وزیر جتیندر اوہاد کو چھیڑ چھاڑ کے ایک معاملے میں منگل کو عبوری ضمانت مل گئی۔ تھانے کی سیشن عدالت نے اوہاد کو عبوری ضمانت دے دی۔ ممبئی پولیس نے ایک خاتون کی شکایت پر ان کے خلاف چھیڑ چھاڑ کا مقدمہ درج کیا ہے۔ تاہم اوہد نے اس الزام سے انکار کیا ہے۔ انہوں نے کہا ہے کہ وہ فرضی مقدمات کے پیش نظر ایم ایل اے کے عہدے سے استعفیٰ دے دیں گے۔ آپ کو بتاتے چلیں کہ دو دن پہلے ہی انہیں تھانے کے ایک ملٹی پلیکس میں مراٹھی فلم ‘ہر ہر مہادیو’ کے شو میں خلل ڈالنے کے الزام میں ضمانت پر رہا کیا گیا تھا ممبئی پولیس نے پیر کو ایک خاتون کی شکایت پر تعزیرات ہند کی دفعہ 354 (عورت کی عزت کو مجروح کرنے کے ارادے سے حملہ یا مجرمانہ طاقت) کے تحت اوہاد کے خلاف مقدمہ درج کیا ہے۔ اوہاد نے پیشگی ضمانت کے لیے تھانے کی عدالت سے رجوع کیا تھا۔
