ادھو ٹھاکرے دھڑے کے ممبران پارلیمنٹ شیوسینا کے ایکناش شندے دھڑے کی طرف سے کی گئی تقرریوں کو منسوخ کرنے کا مطالبہ کر رہے ہیں۔ یہ مطالبہ لے کر وہ سپریم کورٹ پہنچے ہیں۔ ادھو دھڑے کے ایم پیز جنہوں نے سپریم کورٹ کا رخ کیا ہے ان میں ونائک راوت اور راجن وچارے شامل ہیں۔ ان دونوں ممبران پارلیمنٹ نے لوک سبھا میں لیڈر اور چیف وہپ کے عہدوں پر تقرریوں کو منسوخ کرنے کا مطالبہ کیا ہے۔ دونوں ممبران پارلیمنٹ نے مطالبہ کیا ہے کہ راہل شیوالے کی بطور شیوسینا لیڈر اور بھاونا گاولی کی لوک سبھا میں چیف وہپ کے طور پر تقرری کو ختم کیا جائے خاص بات یہ ہے کہ ٹھاکرے دھڑے کے ممبران پارلیمنٹ نے بھی لوک سبھا اسپیکر پر پارٹی مخالف سرگرمیوں کو فروغ دینے کا الزام لگایا ہے۔ ٹھاکرے دھڑے کے ممبران پارلیمنٹ کا کہنا ہے کہ راہل شیوالے کی لوک سبھا میں شیو سینا کے لیڈر اور بھاونا گاولی کی لوک سبھا میں شیو سینا کی چیف وہپ کے طور پر تقرری پارٹی مخالف سرگرمیوں کے مجرم ممبران پارلیمنٹ کے کہنے پر کی گئی تھی۔ ایسے میں یہ واضح ہے کہ لوک سبھا کے اسپیکر نے قدرتی انصاف کے بنیادی اصولوں کی بھی پیروی نہیں کی ہے
